Айрат Хәйруллин: «Цифрлы карарлар педагогны алмаштырырга түгел, ә аңа ярдәм итәргә тиеш»
Яңа уку елында барлык 447 00 мәктәп укучысы, шулай ук республиканың 36 000 укытучысы тиз йөрешле, сыйфатлы һәм өзлексез интернетка ия булды. Бүген Татарстан Республикасы Министрлар Кабинетында узган брифингта Татарстанның цифрлы үсеш министры Айрат Хәйруллин журналистларга мәгариф өлкәсендәге ИТ-проектлар турында сөйләде. Анда шулай ук Татарстан Мәгариф һәм фән министры Рафис Борһанов һәм «Таттелеком» ГАҖ генераль директоры Айрат Нуретдинов катнашты.
«Бу очраклы программа түгел. Бу - укучыларыбызның конкурентлыкка сәләтлелеген арттыруга юнәлдерелгән системалы максатчан сәясәт. Бүген республиканың барлык 680 мәгариф оешмасында оптик элемтә линияләре буенча 100 Мбит/с дан да ким булмаган югары тизлекле Интернет үткәрелде. Хәзер теләсә кайсы мәктәпкә Интернет бирә торган барлык ресурслар да ачык», - дип билгеләп үтте цифрлы министрлык башлыгы.
Ул шулай ук хәбәр иткәнчә, соңгы берничә елда Татарстанда Цифрлы белем бирү контенты белән бәйле Интернет-трафик куллану 10 тапкыр арткан.
Айрат Хәйруллин ассызыклаганча, 1 045 мәктәпне интернетка тоташтыру берьюлы ике программа кысаларында алып барылды: «Цифрлы икътисад» милли проекты (546 мәктәп) һәм шәхсән Татарстан Президенты Рөстәм Миңнеханов йөкләмәсе буенча (499 мәктәп, нигездә, авыл җирендә). Моннан тыш, министр республиканың Арча, Кукмара, Әлмәт һәм Мамадыш районнары тоташтырылган районнарны атады.
Айрат Хәйруллин Татарстан укучыларының «Мин - мәктәп укучысы» исемле шәхси цифрлы ярдәмчесе турында аерым сөйләде. Ул ассызыклаганча, балалар башта ук сервисны проектлауда катнаштылар.
«Мин - мәктәп укучысы» сервисы - ул балаларның яңа санлы дусты, ул аларга үз уку-укыту һәм укудан тыш эшчәнлекне максималь дәрәҗәдә нәтиҗәле оештырырга ярдәм итәчәк. Мобиль кушымта ярдәмендә мәктәп укучылары электрон көндәлектән уңайлы форматта файдаланып, өлгерешен күзәтеп кенә калмыйча, иң кызыклы вакыйгаларны да белә алачаклар. Нәкъ бер атна элек, 1 сентябрьдә, без 500 мәктәп укучысы арасында сервисның сынау версиясен эшләтеп җибәрдек. Балалар көн саен яңа ярдәмчедән алган тәэсирләре белән уртаклашалар, үз идеяләрен һәм «фишкалар»ны тәкъдим итәләр», - диде ул.
Министр шулай ук «Мин - мәктәп укучысы» кушымтасының түбәндәге версияләре «Белем бирү картасы 2.0» дип аталган ата-аналар өчен әзерләнгән Ак Барс банк кушымтасы - канал белән интеграцияләнәчәк, дип сөйләде. Яңа сервис ярдәмендә укучыларның ата-аналары шәхси кабинетта баланың мәктәпкә кайчан килүе турында мәгълүмат ала, яки, мәсәлән, мәктәп ашханәсендә менюны бүген белә, шулай ук баланың туклану рационына төзәтмәләр кертә ала. Хәзер бу системада 126 мең кулланучы теркәлгән.
Исегезгә төшерәбез, узган атнада Казан, Иннополис, Яшел Үзән, Лаеш, Түбән Кама, Әлмәт һәм Яр Чаллы районнары укучылары арасында «Мин - мәктәп укучысы» кушымтасының беренче версиясен тестлау башланды. Сервис Татарстан Республикасы Президенты Рөстәм Миңнехановның шәхси инициативасы буенча тормышка ашырыла.
"Цифрлы белем бирү карарлары педагогны беркайчан да алмаштырмаячагын аңларга кирәк. Мәгариф өлкәсендә яңа технологияләр һәм эшләнмәләр - өстәмә санлы контент ул, ул мәктәп укучысына да, укытучыга да зур үсеш һәм шәхси үсеш өчен мөмкинлекләр алачак. Цифрлы карарлар - мәктәп белеменнән читкә чыгу, федераль стандартларга караганда күбрәк белем алу ысулы", - дип тәмамлады ул.