Интернет-кулланучылар «Цифрлы алга китеш» конкурсының региональ этабы өчен кейслар сайлаячак
«Цифрлы алга китеш» Бөтенроссия ИТ-конкурсын оештыручылар кече һәм урта бизнес өчен иң актуаль ун мәсьәлә өчен халык тавыш бирүен башлап җибәрделәр. Иң күп тавыш җыйган кейслар проектның төбәк этабында катнашучыларга хәл итү өчен тәкъдим ителәчәк. Тавыш бирү 5 августка кадәр дәвам итәчәк.
26 гамәли кейсның берсе өчен үз тавышыңны бирергә мөмкин. Алар арасында - мәгълүматларны анализлау, компьютер күзе, мобиль эшләү, бизнес һәм кулланучылар өчен уеннар һәм инструментлар булдыру белән бәйле бурычлар. Мәсәлән, конкурста катнашучыларга мәктәпләр өчен шәхесләрне танып белү системасын гамәлгә ашыру, кешеләрне ничек контактсыз кунакханәгә урнаштыру яки онлайн-тренировкалар өчен платформа булдыру тәкъдим ителә.
Бу бурычларны август ахырында бөтен илдән 8 меңнән артык ИТ-белгеч хәл итәчәк. Җиңүчеләр акчалата призлар белән бүлешәчәк һәм проект финалына чыгу мөмкинлеге алачак. Иң яхшы карарлар гамәлгә ашырылачак.
Татарстаннан ИТ-эшләүчеләр шулай ук «Цифрлы алга китеш» конкурсында актив катнашалар .Бүгенге көндә проектта республиканың 400дән артык кешесе теркәлгән.
Исегезгә төшерәбез, бизнес вәкилләреннән биремнәр кабул итү апрель аенда башланды. Берничә ай дәвамында эшмәкәрләр кейсларны тәкъдим итә һәм асылда үз гипотезаларын тикшерә, шулай ук үз бурычларын хәл итүнең стандарт булмаган вариантларын һәм эшләүче продуктлар прототипларын ала алдылар. Барлыгы 50 гариза алынды.
ИТ-белгечләр өчен «Цифрлы алга китеш» Бөтенроссия конкурсы «Россия – мөмкинлекләр иле» Президент платформасының флагман проекты булып тора. Аның кысаларында берьюлы берничә зур чара үткәрелә: онлайн-хакатоннар, ИТ-чемпионат һ.б. конкурсның операторы - электрон коммуникацияләр ассоциациясе (РАЭК). Проект «Росатом» дәүләт корпорациясе, Газпромбанк АҖ, зур мәгълүматлар ассоциациясе, Ростелеком ГАҖ ярдәме белән тормышка ашырыла. Конкурсның технологик партнеры – Mail.ru Group.