Иннополис Университеты Күзәтү советы составын яңартты

2019 елның 27 мае, дүшәмбе

Мондый карар узган атнада ЦПР конференциясе барышында ИТ-вузны гамәлгә куючылар — РФ һәм ТР Мәгълүматлаштыру һәм элемтә министрлыгы йөзендә Татарстан Республикасы аша Россия Федерациясе тарафыннан игълан ителде.

АКБО «Иннополис Университеты»н гамәлгә куючылар, РФ Хөкүмәтенең 06.04.2010 елдагы 648-р номерлы боерыгына таянып, гамәлдәге Күзәтчелек советы вәкаләтләрен вакытыннан алда туктаттылар һәм киләсе составны расладылар:

• Максим Акимов — Россия Федерациясе Хөкүмәте Рәисе урынбасары;
• Константин Носков — Россия Федерациясенең Цифрлы үсеш, элемтә һәм массакүләм коммуникацияләр министры;
• Илья Торосов — Россия Федерациясе Икътисадый үсеш министры урынбасары;
• Рөстәм Миңнеханов — Татарстан Республикасы Президенты;
• Роман Шәйхетдинов — Татарстан Республикасы Премьер-министры урынбасары — Татарстан Республикасы Мәгълүматлаштыру һәм элемтә министры;
• Николай Никифоров — «Дигинавис» ҖЧҖ Директорлар советы рәисе;
• Кирилл Семенихин — «Иннополис Университеты» директоры;
• Сергей Белоусов — Runa Capital венчур фондының өлкән партнеры, Parallels идарәсе рәисе, Acronis компаниясенә нигез салучы һәм генераль директоры.

Татарстан Республикасы Президенты тәкъдиме буенча, Күзәтчелек советы рәисе итеп Максим Акимов сайланды.

Фото: president.tatar.ru