Казанда Россиядә цифрлы телевидениегә күчү турында киңәшмә узды
Бүген төбәкара компетенцияләр үзәгендә - Казан Мәгълүмати технологияләр һәм элемтә техникумында Россия төбәкләренең цифрлы телевидениегә аналоглы күчүгә әзерлегенә багышланган киңәйтелгән утырыш узды. Анда Федерация Советының икътисади сәясәт комитеты рәисе Дмитрий Мезенцев, Федерация Советының Мәгълүмати сәясәт һәм массакүләм мәгълүмат чаралары белән үзара хезмәттәшлек буенча вакытлы комиссиясе рәисе Алексей Пушков, РФ Цифрлы үсеш, элемтә һәм массакүләм коммуникацияләр министры урынбасары Алексей Волин, ТР Дәүләт Советы Рәисе Фәрит Мөхәммәтшин һәм ТР Премьер-министры урынбасары – Мәгълүматлаштыру һәм элемтә министры Роман Шәйхетдинов катнашты.
Телевидение аналоглы стандарттан цифрлы технологияләргә күчү киләсе елның февралендә башланачак һәм өч этапта гамәлгә ашырылачак. "Саннар" бөтен ил буенча 2019 елның июнь аена планлаштырылган - бу вакыттан бирле россиялеләргә цифрлы форматта 20 бушлай телевизион канал тәкъдим ителәчәк.
Татарстанда 157 торак пунктта цифрлы телевидение кабул итү зонасында аналог тапшыруларны өзгән вакытта 24 меңгә якын кеше (республика халкының 0,6% ы) калачак. Телевизорлар цифрлы сигнал кабул итү зонасыннан читтә калучы гаиләләр өчен республика бюджеты акчаларыннан спутник җиһазларын сатып алуны һәм монтажлауны компенсацияләү мөмкинлеге каралган. Сүз җан башына керем яшәү минимумыннан түбән булган йорт хуҗалыклары турында бара. Шул ук вакытта җиһазлар бәясе – 4 900 сумнан артмаска тиеш, монтаж эшләре - 2 400 сумнан артмаска тиеш.
"Россия буенча тулаем алганда, цифрлы сигналны каплау зонасыннан тыш, россиялеләрнең 1,5%, якынча 800 мең гаилә калачак, - дип билгеләп үтте киңәшмәдә Алексей Волин. -Бездә спутник җиһазлары өчен базар бәясеннән 30% ташлама бирү буенча эре операторлар белән киләчәктә әлеге җиһазларны сатып алганда абонент түләве алынмау турында килешәбез».
Шулай ук РФ Федераль Җыены Дәүләт Думасы депутатлары Элемтә турында Федераль законга үзгәрешләр кертү турында закон инициативасы белән чыгыш ясады.
Роман Шәйхетдинов киңәшмәдә аналоглы телевидениедән цифрлы телевидениегә күчү мәсьәләсенең техник ягы турында сөйләде. Ул бүгенге көндә күп фатирлы йортларда коллектив кабул итү челтәрләре калмады, алар ярдәмендә «саннар»да 20 федераль каналны бушлай карарга мөмкин, дип зарланды. Мондый гомумйорт антенналары бүгенге көндә Татарстанда 15 мең күпфатирлы йортның 5есендә генә урнаштырылган, аларны яңадан торгызырга кирәк. Роман Шәйхетдинов гамәлдәге законнарга үзгәрешләр кертергә һәм капиталь ремонт үткәргәндә күп фатирлы йортларда эфир тапшырулар челтәрен тәртипкә китерүне алдан карарга тәкъдим итте.
"Цифрлы телевидениегә күчү зарур, чөнки «Сан» сурәтләрнең иң яхшы сыйфатын тәэмин итә», - дип билгеләп үтте киңәшмәдә Фәрит Мөхәммәтшин. Ул телевидениене элемтә өчен мөһим канал буларак саклау һәм бөтен халыкны цифрлы сигнал белән тәэмин итү мөһимлеген ассызыклады.
Шуны да билгеләп үтәргә кирәк, цифрлы эфир телевидениесенә күчү мәсьәләләре буенча 8-800-220-20-02 номеры буенча бердәм мәгълүмат үзәгенә шалтыратырга мөмкин.