ТР Дәүләт хезмәтләре порталы: 9 ай эчендә электрон рәвештә 133 млн артык күрсәтелгән хезмәт очраклары теркәлгән
9 ай эчендә татарстанлылар 133 миллионнан артык электрон хезмәт алган - бу узган елның шул ук чоры белән чагыштырганда 72% ка күбрәк. Бу хакта бүген ТР Хөкүмәте Йортында узган брифингта ТР Премьер-министры урынбасары – Мәгълүматлаштыру һәм элемтә министры Роман Шәйхетдинов хәбәр итте. Порталда иң популяр хезмәтләр һәм сервислар булып баланың билгеләрен карау, табибка язылу, штрафларны тикшерү һәм түләү, шулай ук счет-фактураларны алу һәм түләү тора.
Министр хәбәр иткәнчә, Росстат статистикасы буенча Татарстанда яшәүчеләрнең 80% тан артыгы электрон рәвештә дәүләт һәм муниципаль хезмәтләр ала. Чагыштыру өчен, Россия буенча уртача күрсәткеч – 51%, Мәскәү буенча - 65% тан аз гына артыграк. Күп очракта Татарстанда үз дәүләт хезмәтләре порталы булуы, җирле халык соравы буенча максималь якын булуы югары күрсәткечкә тәэсир итә.
Бүген Татарстан Дәүләт хезмәтләре порталында 248 төрле электрон хезмәт һәм сервис тәкъдим ителгән, 2,2 миллионнан артык кулланучылар Кабинеты теркәлгән – бу республиканың эшкә яраклы халкының 92 проценты.
Статистика буенча, ТР Дәүләт хезмәтләре порталыннан төп кулланучылары: 22-45 яшьлек хатын-кызлар һәм ир-атлар тора, аларның бер яки берничә мәктәпкәчә һәм мәктәп яшендәге балалары бар, үз фатирларында яшиләр һәм автомобиль йөртәләр. Порталда хатын-кызлар ешрак табибка языла, исәпләү приборлары күрсәткечләрен кертә һәм ТКХ хезмәтләре өчен түли, шулай ук балалар бакчасы хезмәтләре өчен түләүләрне карый һәм түли. Ир-атлар арасында иң кирәкле сервислар: штрафлар-тикшерү һәм түләү, ТКХ хезмәтләре һәм соңыннан гына табибка язылу.
Мондый аналитика аудитория ихтыяҗына бәйле рәвештә сервисларны яхшырту максаты белән үткәрелә. Әйтик, хәзер ТКХ хезмәтләре өчен комиссиясез, ә штрафлар 50% ташлама белән түләнә. Счетчик күрсәткечләрен тапшыру да уңайлырак - хәзер квитанциядәге озын лицевой счетны һәр тапкыр кертергә кирәкми, аны шәхси кабинетта саклап калырга мөмкин.
Порталның эшен яхшырту өчен техник ярдәм күрсәтүгә мөрәҗәгать итүче кулланучыларның кире элемтәләре дә анализлана. Алар тарафыннан 9 айда тәкъдим ителгән 55 эшләп бетерүнең 22се - эшләнмәләргә алынган, ә 9сы инде тормышка ашырылган. Мисал өчен, хәзер порталда счетчик күрсәткечләрен керткәндә исәпләү приборының яраклылык вакыты күрсәтелә, ә кулланучыга аның ышануын үткәрү кирәклеге турында хәбәр килә. Яки, мәсәлән, балалар бакчасын электрон чиратка ерактан алыштыру мөмкинлеге кертелде. Бу башка районга күчеп килгән чиратта торучылар өчен бик актуаль.
Техник ярдәм күрсәтүгә мөрәҗәгатьләр (843)5-114-115 телефоны буенча, порталда яки ТР Дәүләт хезмәтләре порталының социаль челтәрләре аша кире элемтә сервисы аша кабул ителә.