Казанда яңа форматтагы почта бүлеге ачылды
Бүлек Кулагин ур., 8 адресы буенча эшли һәм Идел Буе районы 15 меңгә якын халкына хезмәт күрсәтә.
Ачылган бүлектә иң заманча җиһазлар урнаштырылган. Клиент залларында электрон чират системасы эшли, видеокүзәтү урнаштырылган, уңайлы кресло, бланкларны тутыру өчен өстәлләр куелган. Барлык бүлмәләр уңайлы зоналарга бүленгән. Быел республика буенча ел ахырына кадәр барлыгы сигез шундый бүлекчә ачылачак, ә 2019 елда – якынча тагын 10.
Бүлектә дүрт универсаль тәрәзә эшли. Анда коммуналь хезмәтләр өчен түләргә мөмкин. «Банк почтасы» тәрәзәсе эшли, үз-үзеңә хезмәт күрсәтү өчен банкоматлар билгеләнгән.
Бүлекчәдә үз-үзеңә хезмәт күрсәтү зонасы бар, анда клиентлар үзләре посылкаларны тутыра алалар.
Бүлекчә заманча уңайлы пандус белән җиһазландырылган һәм бина эчендә коляскалы инвалидлар уңайлы хәрәкәт итүгә исәпләнелгән. Шулай ук почта офисы брайль шрифты белән язылган язулар белән җиһазландырылган. Йомыш белән килүчеләрнең соравы буенча почта бүлекләренең операторлары күрү һәм ишетү мәгълүматын күрсәтәчәкләр.