ТР Дәүләт хезмәтләре порталы кулланучылары алынган хезмәтләрне актив рәвештә бәялиләр
Татарстанлылар 2018 елның беренче яртыеллыгында ТР Дәүләт хезмәтләре порталында һәм «ТР Хезмәтләре» мобиль кушымтасында махсус сервис ярдәмендә алынган медицина хезмәтләре сыйфатын якынча 500 мең тапкыр бәяләгәннәр. 85% очракта «бишле» куелган.
Чиратта көтү вакыты, медицина персоналының мөнәсәбәте һәм кабинетларның торышы кебек күрсәткечләр буенча медицина ярдәменең сыйфатын бәяләргә тәкъдим push-хәбәр итү рәвешендә электрон язылудан соң килә. Әгәр дә «5»тән түбәнрәк бәя куелса - сәбәпләрне ачыклау максатыннан кулланучыга өстәмә сорау бирелә.
Портал кулланучылары идарә компанияләре эшен шулай ук бәяли ала – монда бәяләү критерияләре булып коммуналь хезмәтләрнең сыйфатын карап тоту, ремонтлау санала. Беренче ярты еллыкта татарстанлылар торак-коммуналь хуҗалык өлкәсендә алынган хезмәтләр өчен 100 меңнән артык бәя куйганнар, шуларның 18% ы - «бишле». Бу мәсьәләдә иң активлар - Кама Тамагы, Саба, Яңа Чишмә, Кукмара районнары һәм Яр Чаллы шәһәре халкы.
Әйтергә кирәк, нәтиҗәләр тиешле министрлыклар һәм ведомстволар тарафыннан халыкка хезмәт күрсәтүнең сыйфатын күтәрү өчен кулланылачак.
Фото: pixabay.com