Узган ел белән чагыштырганда Татарстанда элемтә сыйфатына бәйле шикаятьләр күпкә кимеде
2012 елның 27 феврале, дүшәмбе
ТР Мәгълүматлаштыру һәм элемтә министрлыгына гражданнардан килә торган шикаятьләрнең күбесе телерадиотапшырулар кабул итү һәм кәрәзле элемтә сыйфатына бәйле. Бу хакта сүз бүген мәгълүматлаштыру һәм элемтә өлкәсендә эшләүче предприятиеләр җитәкчеләре киңәшмәсендә булды. Киңәшмәне ТР Премьер-министр урынбасары - Мәгълүматлаштыру һәм элемтә министры Николай Никифоров үткәрде.
2012 ел башыннан алып министрлыкка 340 лап мөрәҗәгать килгән, шуларның өчтән бер өлеше элемтә сыйфатына бәйле. Шикаятьләрнең күбесе телерадиотапшырулар кабул итү һәм кәрәзле элемтә, чыбыклы интернет хезмәте алу сыйфатына карый. Шулай да, шикаятьләр саны чагыштырмача 13 тапкыр кимегән – узган елның январь-февраль айларында алынган 1,6 мең хәбәрнең якынча 89 проценты элемтә сыйфатының түбәнлеге хакында булган.
Исегезгә төшерәбез: Татарстанда 2011 елның январь аенда элемтә сыйфатын яхшырту айлыгы игълан ителгән иде. Министрлык сайтында мөрәҗәгатьләр кабул итүче интерактив сервис беренче көннәрдән үк элемтә проблемалары ешрак барлыкка килә торган урынннарны, операторларны аныклады, тиешле чаралар күрергә мөмкинлек бирде.
 |
 |
.jpg) |
 |
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз