Татарстанда укучылар "Цифрлы көн"дә нейрочелтәрләр белән эшләргә өйрәнделәр
Татарстан Цифрлы үсеш министры урынбасары Булат Габдрахманов "Игелекле" балалар лагеренда ял итүче балалар өчен "Цифрлы көн" дәресен үткәрде. Очрашуның төп темасы ясалма фәһем технологияләре, аларны үстерү һәм реаль тормышта куллану тарихы булды. Чара "Мәгълүматлар икътисады" илкүләм проектын гамәлгә ашыру кысаларында узды.
Булат Габдрахманов балалар белән нейрочелтәрләрнең тармакларны ничек үзгәртүе, хайваннар авыруларын ачыкларга һәм юлларда хокук бозуны теркәп барырга ярдәм итүе турында фикер алышты. Практик күнекмәләргә аерым игътибар бирелде: укучыларга ЯФне ничек дөрес өйрәтергә, кирәкле нәтиҗә алу өчен төгәл текст сорауларын төзергә кирәклеге аңлатылды. ТР цифрлы үсеш министры урынбасары шулай ук нейрочелтәрләрнең нинди бурычларны хәл итә алуы турында сөйләде, мәсәлән, алар ярдәмендә музейларның сайтларын ничек төзергә мөмкин булуы турында сөйләде.
