Татарстанның яшь ИТ-белгечләре цифрлы тармакта халыкара лидерлык мәктәбендә катнаша ала
Цифрлы тармакта V Халыкара лидерлык мәктәбенә сайлап алу башланды. Проектның юбилей сезоны 10 октябрьдән 14 октябрьгә кадәр «Сенеж» идарәсе остаханәсе базасында уза. Ул Россиядән һәм чит илләрдән 18 яшьтән 35 яшькә кадәрге иң перспективалы студентларны һәм яшь белгечләрне җыя. Катнашуга гаризаны сайтта бирергә мөмкин.
Катнашучылар өчен бу булачак технологик лидерлар бергәлегенә керү, илнең иң эре эш бирүчеләренә үз идеяләрен тәкъдим итү һәм үз стартабын булдыру өчен бик яхшы мөмкинлек. Быел программага 11 профильле трек кертелгән. Һәр юнәлешнең үз бурычы әзерләнгән: реаль киберинцидентны тикшерүдән һәм ИТ-продуктлар проектлаудан алып хокукый позицияне, журналист материалын әзерләүгә һәм бизнесны үстерү стратегияләрен эшләүгә кадәр.
Дүрт ел эчендә мәктәп Россиянең төп яшьләр ИТ-мәйданчыкларының берсе статусын ныгытты. Аны илнең 65 төбәгеннән һәм 20 чит илдән 1000нән артык кеше тәмамлаган. Экспертлар һәм интенсив спикерлары булып РФ Президенты Администрациясе, Дәүләт Думасы һәм Россия Цифрлы үсеш министрлыгы вәкилләре, шулай ук Яндекс, VK, Авито, ВТБ, «Солар» һәм Positive Technologies технологик компанияләре топ-менеджерлары чыгыш ясый.
Сезонны оештыручылар - Яшьләр цифрлы омбудсмены, Электрон коммуникацияләр ассоциациясе, «Россия — мөмкинлекләр иле» АКБО һәм Е.Кутафин исемендәге Университет (МДЮА).