Казанда Татарстан һәм Башкортстанның абруйлы иҗат коллективлары концерты була
30 июньдә Горький исемендәге үзәк мәдәният һәм ял паркында «Бию — халык җаны» масштаблы мәдәни фестивале кысаларында ачык һавада концерт була. Фестивальнең оештыручылары - Уфанет компаниясе һәм Фәйзи Гаскәров исемендәге Дәүләт академия халык биюләре ансамбле.
Татарстан башкаласында яшәүчеләрне һәм кунакларны онытылмаслык кичә көтә - бер сәхнәдә ике республиканың иң абруйлы коллективлары чыгыш ясаячак: Татарстан Республикасының Халыклар дуслыгы орденлы Дәүләт җыр һәм бию ансамбле һәм Башкортостан Республикасының Фәйзи Гаскәров исемендәге Дәүләт академия халык бию ансамбле.
Әлеге данлыклы коллективлар дистә еллар дәвамында үз төбәкләренең милли гореф-гадәтләрен кадерләп саклыйлар һәм үстерәләр, үз халыкларының мәдәни мирасын туган республикаларында да, илнең һәм дөньяның иң эре сәхнә мәйданчыкларында да уңышлы тәкъдим итәләр.
«Бию — халык җаны» фестивале мәдәни мирасны саклауга, милләтара бердәмлекне ныгытуга һәм барлык буын тамашачылары арасында халык сәнгатен популярлаштыруга юнәлдерелгән.