Татарстанлылар «Цифрлы трансформация лидерлары» конкурсында катнаша ала
Татарстанлылар Россиядәге иң эре «Цифрлы трансформация лидерлары» халыкара хакатонында катнашу өчен гариза бирә ала. Гаризалар кабул итү инде ачык.
Быел катнашучыларга Мәскәү башкарма хакимияте органнарыннан, Россия ИТ‑компанияләреннән һәм корпорацияләреннән 20 мәсьәләне хәл итәргә туры киләчәк. Командалар түбәндәге юнәлешләр буенча чишелешләр эшләячәк: ясалма фәһем, шәһәр процессларын автоматлаштыру, пилотсыз технологияләр, цифрлы модельләштерү, зур мәгълүматларны анализлау һәм мәгълүматлар нигезендә карарлар кабул итәргә ярдәм итүче системалар.
Һәр бурычны иң яхшы хәл иткән команда 1 млн сум ала, икенче урынга — 600 мең, өченче урынга — 400 мең. Моннан тыш, җиңүчеләр үз эшләнмәләрен гамәлгә кертү мөмкинлеге ала.
Команданы биш кешедән дә артмаган бөтен дөньядан 16 яшькә җиткән белгечләр җыя ала. Гаризалар хакатон сайтында 14 сентябрьгә кадәр кабул ителә - https://i.moscow/lct