Татарстанда «Макс» аша 51 меңнән артык телемедицина консультациясе уздырылган
Татарстан табиблары 51 меңнән артык телемедицина консультацияләре уздырганнар һәм «Макс» мессенджеры ярдәмендә 46,3 меңләп вакытлыча эшкә яраксызлык кәгазен дистанцион рәвештә япканнар.
Телемедицина консультацияләре ничек эшли?
Беренче адым - поликлиникага бару. Табиб сезнең хәлегезне бәяли һәм, мөмкин булса, «Макс»та сезнең белән элемтәне дәвам итәргә тәкъдим итә. Моның өчен ул сезнең телефон номерыгызны язып ала һәм онлайн-консультация көнен һәм вакытын билгели. Дистанцион форматка күчерү турында карарны бары тик дәвалаучы табиб кына кабул итә ала: ул авыруның авырлыгына һәм сезнең сәламәтлек үзенчәлекләренә таяна. Әгәр өстәмә тикшерүләр кирәк булса, табиб сезгә поликлиникага килергә киңәш итәчәк.
Дәвалану курсы ахырына якынлашканда, билгеләнгән көнне сезгә кушымтаны ачарга гына кала. Кабул итүгә 24 сәгать кала «Макс» ка консультация көне һәм вакыты, шулай ук тоташтыру өчен сылтамасы булган хәбәр киләчәк, ә 15 минут эчендә — шалтырату турында искә төшерерүче хәбәр килә. Сез смартфоннан аша тоташасыз, ә табиб платформаның веб-версиясе аша эшли һәм шунда ук барлык язмаларны «Татарстан Республикасының Электрон сәламәтлек саклау» системасына кертә. Әгәр онлайн-консультация нәтиҗәләре буенча табиб сезнең сәламәт булуыгызны теркәсә, электрон вакытлыча эшкә яраксызлык кәгазе шалтырату вакытында ук ябыла.
Мондый формат авыл җирлегендә яшәүчеләр өчен аеруча уңайлы. Хәзер поликлиникага шәхсән йөрергә кирәкми, смартфонга «Макс» урнаштыру һәм онлайн-консультациягә ризалык бирү дә җитә. Бүген телемедицина консультацияләренең техник мөмкинлеге бөтен республика буенча гамәлгә ашырыла.
2025 елның ноябреннән «Макс» тагы «Татарстан Республикасы Сәламәтлек саклау» боты аша шулай ук табибка язылырга мөмкин.
«Мәгълүматлар икътисады» илкүләм проекты безнең алда дәүләт һәм халыкның үзара хезмәттәшлеген максималь гади, җайлы һәм куркынычсыз итү бурычын куя. «Макс» мессенджеры сервислары илкүләм проектның максатларына һәм бурычларына тулысынча җавап бирә.