«Мәктәп 21» дә 11 меңнән артык кеше ИТ-һөнәр үзләштергән
«Мәктәп 21» 11 меңнән артык кешене кирәкле ИТ-һөнәрләргә бушлай өйрәтте, ә аны тәмамлаучылар алдынгы ИТ-компанияләргә һәм стартапларга эшкә урнашты. Бу хакта ТР Цифрлы үсеш министрлыгында узган атналык киңәшмәдә билгеле булды.
«Мәктәп 21» -Саклык банкының цифрлы технологияләр мәктәбе, ул 18 яшьтән башлап барлык теләүчеләргә бушлай ИТ-белгечлек алырга мөмкинлек бирә.
Мәктәпнең Казанда белем бирү кампусы бар. Бөтен вакыт эчендә анда 4,2 меңнән артык кеше белем алган, хәзер анда 1,1 меңгә якын укучы шөгыльләнә. Кампуста Башкортстан, Удмуртия, Марий Эл, Пермь крае, Ульяновск, Чиләбе, Самара һәм Свердловск өлкәләре, шулай ук Үзбәкстан, Казахстан, Кыргызстан, Таҗикстан һәм Әзәрбайҗан халкы катнашты. Аны тәмамлаучыларның 74% ы Татарстанда эшли.
Белгечләр әзерләү "Мәгълүматлар икътисады һәм дәүләтнең цифрлы трансформациясе" илкүләм проектының стратегик бурычларына турыдан-туры җавап бирә