Татарстанлыларны #МЫВМЕСТЕ халыкара премиясендә катнашырга чакыралар
Татарстанда волонтерлар һәм социаль проектлар өчен #МЫВМЕСТЕ халыкара премиясенә гаризалар кабул итәләр.
Бу премия — Россиядә игелекле эшләр башкаручылар өчен иң мөһимнәрнең берсе. Ул волонтерларны, коммерцияле булмаган оешмаларны, бизнесны һәм хакимиятне берләштерә. Узган ел бөтен ил буенча 52 меңнән артык гариза килгән.
Татарстанлылар экология, гаиләләргә, ветераннарга, балаларга һәм МХОда катнашучыларга ярдәм проектларын тәкъдим итеп, еш кына җиңүче булалар.
2026 елда гаризалар дүрт категориядә кабул ителә:
«Шәхес» — волонтерлар һәм лидерлар өчен.
«Коммерцияле булмаган оешма һәм проектлар» — коммерцияле булмаган оешмалар өчен.
«Компанияләр» — социаль җаваплылык белән бизнес өчен.
«Территория» - шәһәрләр һәм төбәкләр өчен.
Шулай ук махсус номинацияләр дә бар, мәсәлән, патриотлык һәм кешеләргә ярдәм өчен. Финалистлар белем бирү программалары, массакүләм мәгълүмат чараларында алга бару һәм башка мөмкинлекләр алачак. Гаризаны 24 майга кадәр премиянең рәсми сайтында бирергә мөмкин.