Татарстан пенсионерлары үзләренең интернет-казанышлары турында бөтенроссия конкурсында сөйли алалар
50 яшьтән өлкәнрәк татарстанлылар «Интернетка рәхмәт-2026» 12 нче Бөтенроссия конкурсында катнаша ала. Аның идеясе гади: яңалыкка теләсә кайсы яшьтә өйрәнергә мөмкин, ә интернет тормышны баерак һәм җиңелрәк итәргә сәләтле икәнен күрсәтү.
Компьютер һәм bнтернетны үзләштергән һәркем катнаша ала-мөһим түгел, ул махсус курсларга йөргәнме яки барысын да үзе тикшергәнме.
Гаризалар 2026 елның 28 апреленнән 27 октябренә кадәр кабул ителә. «Интернет әлифбасы» сайтына кереп, «Конкурс» бүлегендә гариза тутырырга, тарихыгызның текстын һәм ике фотосурәтегезне теркәргә кирәк.
Җиңүчеләрне 10 ноябрьгә кадәр конкурс комиссиясе билгеләячәк, ә иң яхшы эшләрне «Дзене» да «Азбука интернета» каналында бастырачаклар. Конкурс йомгаклары буенча конкурста катнашучы иң актив төбәкләр рейтингы төзеләчәк.
Конкурс инде 12 нче тапкыр үткәрелә. Узган елларда анда 79 төбәктән 45 меңнән артык пенсионер катнашкан.