Радио һәм элемтә көнендә Казан балалары кешеләрнең үткәндә ничек аралашканнарын белделәр
Казан балалары Радио көнендә тарихны күреп кенә калмады, ә кагылып та алды: Бәшир Рәмиев исемендәге ИТ-паркта узган гаилә фестивалендә алар өчен берничә буын элек кулланылган элемтә чаралары җанланды. Иң көчле тәэсир чын телефон будкасы булды. Анда һәр бала кулдан диск аппаратына номер җыя һәм трубканың икенче башында кеше белән сөйләшә.
Якында гына, «Таттелеком» элемтә музее һәм ТР Радиотелевизион тапшыру үзәге күргәзмәсендә элемтә экспонатлары тәкъдим ителгән. Өлкәннәр җылылык белән Motorola пейджерын, Olivetti массив ноутбугын һәм таксофонны таный, ә балалар беренче тапкыр үзләре өчен телефонист гарнитурасын, Siemens Fujitsu кесә компьютерын һәм «Эйфель манарасы» ретро-телефонын ача.
.JPG)
Төрле чор атмосферасын көнкүрешнең сакланган детальләре тулыландыра. Раритетлар арасында ― 1945 елның 9 Маендагы «Известия» газетасы, сургутлы басма белән посылка һәм Совет җырчысы Лидия Русланова пластинкасы.
Параллель рәвештә биредә үк Татарстанның робот техникасы һәм технологик эшмәкәрлек буенча «РОБОКАЗАН» беренче ачык турниры уза. 600дән артык бала үз эшләнмәләрен жюрига тәкъдим итә, роботлар җыя, дроннар белән идарә итә.