Казанда Россия венчур форумы кысаларында «Инвест хаб Шоу: Ачык микрофон» узачак
2026 елның 10 апрелендә Казанда Россия венчур форумы кысаларында «Инвест хаб Шоу: Ачык микрофон» узачак.
Икътисадның хәзерге шартларында инвесторлар һәм стартаплар намуслы һәм озак вакытлы хезмәттәшлек эзлиләр. Чара яклар арасында ачык әңгәмә өчен мәйданчык булдырачак һәм тиңдәш кыйммәтләре булган партнерларны сайларга ярдәм итәчәк.
Шоу 12:00 сәгатьтә Россиянең сигез эре инвесторы арасында интеллектуаль көрәш форматында узачак. Бер инвесторның чыгышы 9 минут дәвам итә, ә шоу үзе – 100 минут. Катнашучыларның һәркайсы үзе һәм үз компаниясенең стратегияләре турында сөйләячәк, шуннан соң модератор һәм форум кунаклар сорауларына җавап бирәчәк.
Тамашачылар инвесторларны реаль вакытта өч критерий буенча бәяләячәк: фаразларның намуслылыгы, стратегиянең яшәү сәләте һәм партнерлыкка әзерлек. Шоу ахырында инвесторларның ачык рейтингы булдырылачак.
Чара венчур базарында ачыклакны арттырырга һәм яңа проектларны үстерү өчен шартлар тудырырга ярдәм итәчәк. Стартаплар яңа партнерлар таба алачак, ә инвесторлар үз статусын ачыктан – ачык раслый алачак.
Россия венчур форумы - венчур тармагының иң зур вакыйгасы. Чара 8 апрельдә Иннополиста И.И.Попов ис. Технопаркта һәм 9-10 апрельдә "Казан Экспо"да үткәрелә. Быел форумга 6 мең катнашучы, 150дән артык стартап һәм 250 инвестор җыелачак.
Форумга сылтама буенча теркәлегез.