Татарстанлылар күбрәк шалтырата башлады: тавыш трафигы 25 % ка артты

«Летай» мәгълүматлары буенча, гыйнварда тавыш трафигы артуына тренд саклана. Абонентлар мессенджерларда аралашуга караганда шалтыратуларны өстен күрә - узган елның җәеннән 2G уртача айлык күләменең үсеше 25% тирәсендә теркәлә. Уңай динамика мобиль элемтәнең сыйфатын яхшырту, шулай ук төбәктә халыкның иминлеген тәэмин итүгә юнәлдерелгән чаралар комплексын гамәлгә ашыру белән бәйле.

Республикада телеком-инфраструктураны үстерү планлы рәвештә алып барыла. Ел башыннан 7 база станциясе төзелде һәм модернизацияләнде, бу тавыш элемтәсе сыйфатын яхшыртырга һәм локаль рәвештә мәгълүматларны тапшыру тизлеген 1,5 тапкырга арттырырга мөмкинлек бирде. «Светлая Долина» торак комплексында (Казан) һәм Кама микрорайонында (Чаллы) яңа мәйданчыклар барлыкка килде, алар социаль объектлар һәм күпфатирлы йортлар территориясендә абонентларны тотрыклы тоташтыруны тәэмин итте.

«Летай» Әлмәтнең 2Б микрорайонында эшләп килүче база станциясен җиһазландырып бетерде, шулай ук Түбән Карамалы бистәсендә (Зеленодольск районы) һәм Купка авылында (Кукмара районы) мәйданчыкларны оптимальләштерде. Бу халыкка цифрлы сервислардан уңайлырак файдаланырга мөмкинлек бирде.