Министрлык һәм «ЭР-Телеком Холдинг» компаниясенең уртак эше нәтиҗәсендә Казанда Авиатөзелеш һәм Яңа Савин районнарындагы күп фатирлы йортларында «Халык Wi-Fi» иҗтимагый челтәренә 230 керү ноктасы җәелдерелде. Барлыгы Narodnyi_Wi-Fi ачык челтәренә 1,2 млн тоташу теркәлгән, ә керүче трафик 7,6 ТБ мәгълүмат тәшкил иткән.

«Геопейджер» компаниясе роботларга иярченнәрне кулланмыйча гына киңлектә ориентирлашырга ярдәм итүче дөньяда беренче системаны эшләгән. 

СКБ Контур компаниясе «Такснет-навигатор» автоматлаштырылган мәгълүмат системасын куллануга хосусый хокуклар алган. Әлеге карар Контур бизнесы өчен экосистема мөмкинлекләрен тулыландыруда ярдәм итәчәк.

6 февраль көнне Казанның 156 нчы мәктәбендә 5-6 нчы сыйныф укучылары өчен гадәти булмаган  «Цифрлы дәрес» үткәрелде. Дәресне Идел буе федераль округында Kaspersky компаниясенә сату алды ярдәме инженеры Андрей Грузинов «Мәгълүматлар икътисады» илкүләм проекты ярдәмендә үткәрде.