Казанда «Татнефть Арена» трибуналарында хәзер тотрыклы 4G
Татарстанның иң эре һәм техник яктан җиһазландырылган боз сарайларының берсендә Билайн indoor*челтәре җәелдерелде. Бу спорт чаралары һәм концертлар тамашачыларына «Татнефть Арена» трибуналарындагы цифрлы сервисларга хәтта иң күп кеше йөри торган чаралар вакытында да югары тизлекле керү мөмкинлеген тәэмин итә.
Тавыш элемтәсе һәм мобиль интернет белән сыйфатлы каплану компакт база станцияләре тарафыннан булдырыла, аларны операторның техник белгечләре арена эчендә урнаштырган. Мондый карар нәтиҗәсендә кәрәзле элемтә сигналы бинада барлык бүлмәләрне тигез каплый: барлык 20 секторны, бизнес-ложалар, гардероб, фойе һәм фуд-кортны. Оператор челтәре эше хәтта иң югары йөкләнеш вакытында да тагын да ышанычлырак һәм тотрыклырак эшли башлады.
Әнвәр Шахмаев, Билайнның Казан бүлеге директоры:
"Indoor-челтәрләр төзү эре сәүдә үзәкләрендә, спорт объектларында һәм заманча биек биналарда ихтыяҗ бар. Мәсәлән, "Татнефть Арена" да безнең клиентлар интернет-трафикны күбрәк кулланып кына калмыйча, ешрак шалтыратулар да ясый башладылар. Монда без махсус чишелешне гамәлгә ашырдык. Шул рәвешле, Билайн өчен тимер-бетон конструкция эчендә сигналны катлаулы бүлү шартларында меңләгән кешенең тотрыклы элемтәсен тәэмин итү бурычы тулысынча хәл ителде.