Татарстан делегациясе Дубайда GITEX GLOBAL IT-күргәзмәсендә булды

2025 елның 16 октябре, пәнҗешәмбе

14-15 октябрьдә Татарстан Республикасы цифрлы үсеш министры урынбасары Булат Габдрахманов, Татарстан Республикасы Мәгълүмати технологияләр үзәге директоры Альберт Халяпов һәм ИТ-парк директоры Руслан Власов Дубайда дөньядагы иң эре IT-күргәзмәләрнең берсендә — GITEX GLOBAL күргәзмәсендә булдылар.

GITEX GLOBAL - ясалма фәһем, киберкуркынычсызлык һәм "акыллы" шәһәрләр өлкәсендәге инновацияләрне тәкъдим итүче алдынгы дөньякүләм технологик күргәзмә. Күргәзмәдә катнашучылар арасында ИТ-парк резидентлары: «Инфоматика», «Гетмобит», «Глазар» үз эшләнмәләрен тәкъдим иттеләр.

Визит барышында төп партнерлар белән сөйләшүләр үткәрелде:

• Россия - Әмирлек эшлекле советы һәм Dubai Chamber of Commerce - БГӘ базарына чыга торган IT-компанияләргә ярдәм итү юллары турында фикер алыштылар;
• Дубай икътисад һәм туризм министрлыгы - цифрлаштыру өлкәсендә хезмәттәшлекнең перспектив юнәлешләре каралды;
• Әрмән республикасы Цифрлы үсеш министры урынбасары - IT-өлкәдә уртак проектлар планнары билгеләнгән;
• Рас-әл-Хайма инновацион хабы - инновацион стартапларга инвестицияләр җәлеп итү механизмнары турында фикер алыштылар;
• Бәхрәйнның Economic Development Board - Бәхрәйнда IT-бизнес алып бару өчен уңайлы шартлар булдыру мәсьәләләре буенча сөйләшүләр уздырдылар.