Татарстан Республикасы цифрлы үсеш министры «Таттелеком» компаниясе командасы белән очрашты
8 октябрьдә Илья Начвин эш визиты белән «Таттелеком» ГАҖдә булды. Башта кыскача киңәшмә булды, анда тәүлек эчендә республика буенча элемтә челтәрләренең эше, контакт‑үзәккә абонентларның мөрәҗәгатьләрен эшкәртү һәм цифрлы продуктлар эшләүнең алымнары турында фикер алыштылар. ФЗ-303 яңа таләпләренә туры килү кысаларында бурычларны ИТ-хәл итүгә аерым игътибар бирелде.
Илья Сергеевич Начвин шулай ук ЦОД җитештерү мәйданчыгында һәм компаниянең IT‑үзәгендә булды: IP-домофония һәм видеокүзәтүне үстерү, техник ярдәм күрсәтү үзәгенең идарә итү алымнары, шулай ук перспектив эшләнмәләр презентациясе. Бердәм идарә итү һәм челтәр мониторингы үзәгенең оператив эшенә аерым игътибар бирелде.
"Шунысы мөһим, биредә инфраструктура проектлары гына түгел, мәсәлән, видеокүзәтү һәм IP-домофония өлкәсендәге карарлар да комплекслы рәвештә үсә, ә идарә итүдә, сервис үзәкләрен үстерүдә, цифрлы аналитикада яңа алымнар да кертелә. Заманча стандартларны һәм цифрлы инициативаларны гамәлгә ашыру — беренче чиратта Татарстан халкы өчен уңайлы цифрлы мохит", — дип билгеләп үтте Татарстан Республикасы цифрлы үсеш министры Илья Начвин.
Очрашу «Таттелеком» Корпоратив университетында аналитик культураны һәм альтернатив идарә итү алымнарын үстерү турында үз кейсларын тәкъдир итү белән тәмамланды.
Илья Начвинның «Таттелеком» командасы белән очрашуы багланышларның яңа мөмкинлекләрен һәм цифрлы үсеш нокталарын билгеләде.