Татарстан Республикасы - Россиянең цифрлы трансформациясе лидеры!
Татарстан, ЯНАО, Төмән өлкәсе, ХМАО һәм Сахалин өлкәләрен узып, 2025 елда Россиянең барлык төбәкләре арасында цифрлы трансформациянең ышанычлы беренче урынын яулады. Бу хакта "Сәнәгать Россиясенең цифрлы индустриясе"" конференциясендә РФ Хөкүмәте Рәисе урынбасары Дмитрий Григоренко белән киңәшмәдә игълан иттеләр.
Төбәк эшчәнлеген бәяләү критерийлары – дәүләт хезмәтләре һәм тормыш ситуацияләре, ясалма фәһем, мәгълүматлар һәм хисаплылык, импортны алмаштыру, мәгълүмати иминлек, социаль өлкә, тармакка ярдәм итү.
Безнең максат - технологияләр хакына технологияләр генә түгел, ә Татарстанда яшәүче һәр кешенең тормышын чынлыкта яхшырту. Һәр проект, һәр инициатива дәүләт хезмәтләрен уңайлырак, хакимият белән хезмәттәшлекне җиңелрәк, ә көндәлек тормышны уңайлырак итүгә юнәлдерелгән.
Россия Хөкүмәте 2025 ел нәтиҗәләре буенча цифрлы трансформация программалары нәтиҗәләренә 100% ирешү максатын куйды. Татарстан бу эштә катнашып кына калмый - без стандартлар формалаштырабыз һәм бөтен илгә үрнәк күрсәтәбез!