Дәүләт хезмәтләре порталы балаларны беренче сыйныфка яздыруны җиңеләйтә: берничә көндә 24 меңнән артык гариза

2025 елның 3 апреле, пәнҗешәмбе

Дәүләт хезмәтләре порталы аша балаларны беренче сыйныфка яздыру бара: кампаниянең беренче сәгатьләрендә үк 14 меңнән артык гариза бирелгән. Кампания 1 апрельдә 8:00 сәгатьтә башланды, һәм бер сәгать эчендә Татарстанның ата-аналары 14 143 электрон гариза тапшырган. Тәүлек ахырына бу сан 21 475 кә кадәр арткан, ә 3 апрель 16:00 сәгатькә гаризаларның гомуми саны 24 меңнән артып киткән.

Ата-аналар арасында иң популяр белем бирү учреждениеләре:

• Казан шәһәренең Совет районындагы Мәхмүтов ис. исемендәге184 нче гимназия — 373 гариза.
• Питрәч районының Алгоритм лицее — 357 гариза.
• "Адымнар-Әлмәт" полилингваль гимназиясе - 336 гариза.
• Казан шәһәре Совет районының 185 нче күппрофильле лицее - 291 гариза.
• Казан шәһәре Киров районының 182 нче политехник лицее — 274 гариза.

 Кабул итү кампаниясе ике этаптан тора:

1 апрель-30 июнь: мәктәпкә беркетелгән территориядә яшәүче гражданнардан, шулай ук беренче чиратта һәм өстенлекле рәвештә укырга керү хокукына ия булганнардан гариза кабул итү.
6 июль-5 сентябрь — яшәү урыны нинди булуга карамастан, теләсә кайсы мәктәпкә гариза бирү.