T2 Татарстанда шалтыратуларның сыйфатын яңа дәрәҗәгә чыгара
T2, Россиянең мобиль элемтә операторы, Татарстан Республикасында клиентлар өчен VoLTE технологиясен гамәлгә кертүне төгәлләде. Сервис 4G (LTE) челтәре буенча әңгәмәдәш белән тиз арада тоташуны, тавышның югары сыйфатын һәм чит тавышларның булмавын тәэмин итә, бу "Цифрлы икътисад" илкүләм проекты тарафыннан каралган югары дәрәҗәдәге элемтә стандартларына туры килә.
Татарстанда VoLTE технологиясе абонент җиһазларын җитештерүче эре компанияләрнең 500дән артык мобиль җайланма моделендә бар – гадәти Samsung һәм Xiaomi дан алып базардагы чагыштырмача яңа Oppo һәм Infinix телефоннарына кадәр. 4G каплау зонасында технология автомат рәвештә яки смартфон менюсында тиешле көйләүләрне активлаштырганда тоташа.
Константин Гагаринов, T2 Казан филиалы директоры: "Безнең компания Татарстан территориясендә инфраструктураны үстереп кенә калмый, гамәлдәге челтәрне дә камилләштерә. VoLTE технологиясе белән республика халкына фон тавышыннан башка сыйфатлы яңа шалтыратулар, шулай ук тиз һәм тотрыклы элемтәләр мөмкин булды. Технология активлашканнан соң, абонентлар билгеләп үтәчәк беренче әйбер — әңгәмәдәшнең сөйләшү вакытында тавышының югары сыйфаты. Шул ук вакытта 4G/LTE челтәрендәге шалтыратулар гадәти тавыш трафигы буларак тарифлаштырыла. Димәк, тариф буенча абонент аларга минутлар гына сарыф итәчәк, ә гигабайтлары янмаячак".