Бүген Мәскәүдә VI Бөтенроссия форумы һәм IV «Дигория» милли премиясе башланды

2024 елның 25 ноябреннән 1 декабренә кадәр Социаль тикшеренүләр эксперт институты (ЭИСИ) Яшьләр эшләре буенча федераль агентлык (Росмолодежь) белән берлектә «Дигория» VI бөтенроссия форумын һәм «Дигория» IV милли премиясен уздыра.

Форум эшләү дәверендә үзен Россия үсешенең мәгънәви нигезләрен эшләү максатында социаль-гуманитар юнәлештәге яшь галимнәрнең һәм иҗтимагый-сәяси өлкә практикларының интеллектуаль потенциалын берләштерүче нәтиҗәле мәйданчык буларак танытырга өлгерде.

«Дигория» форумында 35 яшькә кадәрге дипломлы белгечләр, аспирантлар, яшь галимнәр һәм сәяси өлкә практиклары катнашты.

Шулай ук форум кысаларында «Дигория» IV милли премиясен тапшыру булачак, аның максаты иҗтимагый-сәяси өлкәдә эшчәнлек алып баручы социаль-гуманитар юнәлештәге иң яхшы яшь белгечләрне ачыклау һәм бүләкләү.

Премия 3 номинация буенча бирелә: «Сәяси тикшеренүләр», «Сәяси технологияләр», «Сәяси коммуникацияләр».