Татарстанда коррупциягә каршы көрәш темасына видеобәйге уза

Конкурсның максаты - җәмгыятьтә коррупция күренешләренә карата түземсез мөнәсәбәт формалаштыру.

Оештыручылар - Татарстан Республикасы Цифрлаштыру министрлыгы, «ИТ-парк» югары технологияләр өлкәсендә технопарк» ДАУ һәм «Халыкара компетенцияләр үзәге – Казан мәгълүмати технологияләр һәм элемтә техникумы» ДАҺБУ.

Видеоэшләр ярышы 2 этапта узачак:

1 этап «Читтән торып» - видеоролик әзерләү һәм 18 ноябрьгә кадәр гариза җибәрү.

2 этап «Сайлап алу» - 19-21 ноябрьдә жюри бәйгедә җиңүчеләрне сайлап алачак.

Катнашучылар тиешле гаризаларны һәм конкурс эшләрен электрон рәвештә җибәргәннәр инде, хәзер тәкъдим ителгән видеороликларны сайлап алу этабы башланды. Нәтиҗәләр турында алга таба хәбәр итәрбез!

Җиңүчеләргә Б. Рәмиев исемендәге ИТ-парктагы «Киберпарк-Арена» га бару мөмкинлеге бирүче сертификатлар тапшырылачак. һәм конкурс лауреатлары дипломнары!

Жюри составында ТР министрлыклары, коррупциягә каршы көрәш һәм тармак экспертлары вәкилләре бар.