Казан БРИКС саммиты кунакларын кабул итүгә әзерләнә

2024 елның 14 октябре, дүшәмбе

Бу мөһим халыкара вакыйгага әзерлек кысаларында Татарстан башкаласының иҗтимагый киңлекләрендә «Таттелеком» тарафыннан өстәмә рәвештә тагын 600 видеокүзәтү камерасы урнаштырылды. Әлеге чаралар шәһәр халкының гына түгел, 30дан артык илне һәм 20 меңгә якын катнашучыны җыйган форумда катнашучыларның да иминлеген тәэмин итүгә юнәлдерелгән.

Камералар чаралар үтәчәк төп урыннарда гына түгел, ә җәяүлеләр кичүләрен, 11 метро станциясен, транспорт күп булган урыннарын, туристлык объектларын колачлый. Язмалар куркынычсыз болыт серверларында сакланачак.

Шулай ук кунаклар уңайлыгы өчен урнаштыру урыннарында югары тизлекле Wi-Fi һәм телевизион сигнал нокталары оештырылган.