ТР цифрлаштыру министры урынбасары Альберт Яковлев "Цифрлы технологияләр һәм хокук" конференциясендә катнашты
В.Г.Тимирясов исемендәге Казан инновацион университеты һәм Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы белән берлектә оештырылган «Цифрлы технологияләр һәм хокук» III халыкара фәнни-гамәли конференциянең пленар утырышы әлеге университета узды. Конференция юридик фән һәм тәҗрибәнең төрле тармаклары, хакимият органнары һәм бизнес вәкилләрен тиз үсә торган цифрлы технологияләрнең хокукый режимын тәэмин итү механизмнарына кагылышлы актуаль мәсьәләләр буенча фикер алышу өчен берләштерде.
Утырышның модераторы юридик фәннәр докторы, доцент, Татарстан Республикасының атказанган юристы, Цифрлы технологияләр һәм хокук фәнни-тикшеренү институтының баш фәнни хезмәткәре, Казан инновацион университетының җинаять хокукы һәм процессы кафедрасы профессоры Илдар Бегишев булды. Ул хәзерге дөньяда цифрлаштыруның мөһимлеген ассызыклады: "Цифрлаштыру темасы илебез һәм төбәгебезнең көн тәртибе үзәгендә калуын дәвам итә, шуңа күрә без өченче тапкыр цифрлы технологияләр һәм хокук мәсьәләләре буенча масштаблы конференцияне уздырабыз".
ТР Дәүләт идарәсен цифрлы нигездә үстерү, мәгълүмат технологияләре һәм элемтә министры урынбасары Альберт Яковлев дәүләт идарәсенә актуаль технологияләрне гамәлгә кертү зарурлыгын һәм аларның нәтиҗәлелеген тәэмин итү өчен конференциядә катнашуның мөһимлеген ассызыклады.
Казан инновацион университеты ректоры Асия Тимирясова фикер алышынучы мәсьәләләрнең актуальлеген һәм конференциянең инновацияләр һәм хокук чатында мөһим чишелешләр эшләү өчен платформа буларак әһәмиятен билгеләп үтте.