Айрат Хәйруллин Халыкара компетенцияләр үзәге – Казан мәгълүмати технологияләр һәм элемтә техникумының беренче курс студентларын Белем көне белән котлады

2024 елның 2 сентябре, дүшәмбе

Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин Халыкара компетенцияләр үзәге – Казан мәгълүмати технологияләр һәм элемтә техникумының беренче курс студентларын Белем көне белән котлады.

Быел техникумда беренче курс студентлары - 487 кыз һәм егет. Бер урынга конкурс 11 кеше тәшкил итте, ә «программалаучы» һәм «веб һәм мультимедиа кушымталарын эшләүче» кебек кирәкле квалификацияләргә бер урынга 15 кеше булды.