Мегафон Татарстанның атаклы авылында мобиль интернетны тизләткән
Татарстанда Сабантуны олылап бәйрәм итүе белән атаклы Миңгәр авылынад смартфонда мәгълүматларны 100 Мбит/с тизлек белән йөкләп була. Оператор торак пунктта LTE стандартының база станциясен урнаштырган. Биредә шулай ук көрәш буенча дөнья турниры финалы үткәрелә.
Саба районында урнашкан авылда 300 дән ким кеше яши. Шул ук вакытта җәй саен Миңгергә чәчү эшләрен тәмамлауга багышланган чараларга Татарстаннан гына түгел, Россиянең башка төбәкләреннән дә меңләгән кунак килә. Күптән түгел авыл чит илләргә дә билгеле булды. 2018 елдан Миңгәр яшүсмерләр арасында көрәш буенча дөнья чемпионатын һәм беренчелеген кабул итә. Быел ярышларда 27 илдән 300 дән артык спортчы катнашты.
"Авыл туризмын үстерү көчәя бара. Туристлар кулланган интернет-трафик еш кына җирле халык күләменнән күбрәк. Барысы өчен дә интернетның җитәрлек тизлеген тәэмин итү өчен, инженерлар челтәрнең үткәрү сәләтен оптимальләштерү өчен LTE урта ешлыкларында эшләүче җиһазлар урнаштырдылар. Сигналның ераклыгын арттыру өчен түбән ешлык диапазоны кулланылды", - дип шәрехләде Мегафон директоры Михаил Русинов.