Идел буе федераль округы бизнеска һәм дәүләт секторына һөҗүмнәр саны буенча икенче урында

RED МТС киберкуркынычсызлык өлкәсендә МТС цифрлы экосистеманың бүлендек компаниясе 2024 елның беренче яртыеллыгында заказ бирүчеләрнең веб-ресурсларына 15,9 мең DDoS һөҗүмне кире кагуы турында хәбәр итә. Татарстан оешмаларына Идел буе округының башка төбәкләре белән бергә инцидентларның 13% туры килде, ә һөҗүмнәрнең күбесе – Үзәк федераль округка туры килде.

RED МТС мәгълүматлары буенча, 2024 елның беренче яртыеллыгында DDoS-һөҗүмнәр 2023 ел белән чагыштырганда 2,6 тапкырга күбрәк башкарылган һәм кире кагылган. Иң күбе – 25,7% инцидентлар июньгә туры килгән, 18,7% – майга, 16,9% – мартка. Кире кагылган DDoS-һөҗүмнәрнең иң дәвамлысы 20 сәгатькә якын дәвам иткән, шул рәвешле Ерак Көнчыгыштагы сәнәгать компаниясен саклаганнар.

DDoS-һөҗүмнәр саны буенча Үзәк федераль округ алда бара – бу төбәк оешмаларына һөҗүмнәрнең 61% туры килгән, шуларның 90% – башкала бизнесына. Икенче урында - Идел буе федераль округы – 13% инцидентлар, өчлекне Урал федераль округы йомгаклый - һөҗүмнәрнең 6%.