ИТ-паркта кибер куркынычсызлык буенча Татарстан Республикасы ачык турнирында җиңүчеләрне бүләкләделәр
2 июньдә Бәшир Рәмиев исемендәге ИТ-паркта «GO CTF 2024» мәгълүматны саклау турнирының финал этабы узды. Турнир җиңүчеләрен Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры урынбасары Булат Габдрахманов, «ИТ-парк» югары технологияләр өлкәсендә технопарк» ДАУ директоры Руслан Власов һәм ТР Фәннәр Академиясенең ЯА һәм ИТ буенча вице-президенты, ИТ-паркның белем бирү эшчәнлеге буенча директор урынбасары Айрат Хасьянов бүләкләделәр.
Кибер куркынычсызлык буенча беренче ачык турнирның финалы Россия, Белоруссия, Казахстан, ДНР һәм ЛНР урта махсус оешмалары укучылары һәм студентлары арасында узды. Сайлап алу этабының ике зачетында җиңгән 10 команда 440 мең сум приз фонды өчен ярышты.
Мәктәпләр арасындагы зачетта җиңүчеләр:
- Новосибирск, «Девяточка» командасы
- Самара өлкәсе, «CYBERSQD» командасы
- Татарстан Республикасы мәктәпләренең җыелма командасы.
Академик зачетта:
- Татарстан МЦК-КТИТС, «Кибербобры» командасы
- Чиләбе радиотехник техникумы, «RVG-CHRT» командасы
- Мәскәү программалаштыру һәм кибер куркынычсызлык колледжы, «o1d_bu7_go1d» командасы.
Турнирны оештыручылар: Ит-парк, Казан мәгълүмати технологияләр һәм элемтә техникумы, Мәгълүмати куркынычсызлык хезмәтләре җитәкчеләре ассоциациясе (Мәскәү шәһәре) ТР Цифрлы үсеш министрлыгы ярдәмендә.
Турнир турында күбрәк мәгълүмат сайтта һәм телеграмма-каналда.