«IT-Планета 2024» мәгълүмати технологияләр өлкәсендә XV халыкара юбилей олимпиадасының финалы «Цифрлы Арктика» IT-паркында узачак

«IT-Планета» - 18 яшьтән 35 яшькә кадәрге талантлы студентларны һәм мәгълүмати технологияләр өлкәсе белгечләрен ачыклау һәм аларга ярдәм итүгә юнәлдерелгән гамәли-максатчан ярыш. Ел саен IT-олимпиадада 15 илдән 1000нән артык мәгариф оешмаларыннан һәм урта махсус белем бирү оешмаларыннан 20 000нән артык студент һәм дипломы булган белгеч катнаша.

Быел «IT-Планета» мәгълүмати технологияләр өлкәсендә XV Халыкара олимпиада финалы 24-27 майда Архангельск шәһәренең М.В. Ломоносов исемендәге Төньяк (Арктика) федераль университетының «Цифрлы Арктика» IT-паркында узачак.

Көндезге-дистанцион форматтагы финалда Татарстан Республикасыннан да 6 кеше катнаша.

Мәсәлән, финалистларга GitVerse платформасында гамәли программалаштыру күнекмәләрен, Astra Linux операцион системасында һәм 1С:Предприятие платформасында эшли белүләрен, шулай ук РЕД ОС операцион системасы базасында һәм Postgres Pro СУБД мохитендә мәсьәләләрне үтәүләрен күрсәтергә туры киләчәк.

Шулай ук финалда катнашучылар мәгълүмати куркынычсызлык, челтәр технологияләре, мобиль кушымталар эшләү, веб-дизайн, 3D-модельләштерү һәм компьютер уеннары эшләү кебек кирәкле юнәлешләрдә беренчелек өчен көрәшәчәк.

«IT-Планета» олимпиадасы Россия Федерациясе Мәгариф һәм фән министрлыгы һәм Россия Федерациясе Цифрлы үсеш, элемтә һәм массакүләм коммуникацияләр министрлыгы ярдәме белән уза.