ИТ-парк географиясен киңәйтә: технопаркның яңа филиалы Буада ачылды
Ачылу тантанасында Татарстан Республикасының Буа районы башлыгы Ранис Камартдинов һәм «ИТ-парк» югары технологияләр өлкәсендә технопарк» ДАУ директоры урынбасары Айрат Хәсьянов катнашты. Тантаналы чарада ТР Дәүләт идарәсен цифрлы нигездә үстерү, мәгълүмат технологияләре һәм элемтә министры урынбасары Булат Габдрахманов катнашты.
ИТ-паркның яңа филиалы «Мирас» яшьләр үзәге нигезендә Буа, Космовский урамы, 91 адресы буенча ачылды һәм технологик проектларны, стартапларны үстерү өчен җәлеп итү үзәгенә әвереләчәк, шул исәптән «Россия Федерациясенең цифрлы икътисады» илкүләм проекты максатларында да.
«ИТ-парк» югары технологияләр өлкәсендә технопарк» ДАУ директоры урынбасары Айрат Хәсьянов һәм Буа муниципаль районы башлыгы Ранис Камартдинов тантаналы шартларда хезмәттәшлек турында килешүне имзаладылар.
Буа муниципаль районында ачылган яңа филиал мәйданчыгы 11 нче булды. Шулай ук «ИТ-парк» ДАУ филиаллары республиканың Лениногорск, Ютазы, Урыссу, Мамадыш, Нурлат, Байлар Сабасы, Түбән Кама, Менделеевск, Биектау, Кукмара шәһәрләрендә һәм районнарында бар.
Ачылу кысаларында яңа филиалда цифрлы чишелешләр эшләү буенча TATAR HACK конкурсы узды, анда Буа районының урта профессиональ белем бирү оешмалары укучылары һәм студентлары арасыннан 8 команда җыелды. Балалар 3 юнәлеш буенча проектлар эшләде: мәдәният, спорт, мәгариф.