«Ростелеком» ның видеокүзәтү системасы Татарстанда БДИ үткәрүгә әзер

«Ростелеком» 23 майда башланачак бердәм дәүләт имтиханнарының (БДИ) төп этабын уздыру өчен Татарстан Республикасындагы барлык аудиторияләрне видеокүзәтү белән тәэмин итте.

Провайдер республиканың 85 мәктәбендә һәм мәгълүмат эшкәртү үзәгендә (РЦОИ) имтиханнар үткәрүнең 1 527 пунктын IP-камералар белән җиһазландыра. Барлыгы 3 064 видео җайланма урнаштырылган. Видео реаль вакыт режимында «БДИ кара» видеокүзәтү порталына трансляцияләнәчәк.

Павел Гонцов, «Ростелеком» ААҖнең Татарстан Республикасындагы филиалы директоры:

«Ростелеком» 2014 елдан БДИ үткәрү өчен аудиторияне видеокүзәтү белән тәэмин итә. Ел саен система камилләшә. Хәзер мәгълүмат ясалма акыл технологияләре ярдәмендә эшкәртелә, бу йомгаклау аттестациясенең объективлыгын арттыра һәм барлык чыгарылыш укучылары өчен тигез шартлар тудыра. 

Булат Юнысов, «Республика мәгариф сыйфаты мониторингы үзәге» ДБУ директоры:

«Ростелеком» белән без беренче ел гына хезмәттәшлек итмибез, компания белгечләре һәрвакыт үз эшләрен бик яхшы башкаралар. Барлык биналар да дәүләт йомгаклау аттестациясен уздыруга әзер инде. Пунктларны тикшерү һәр имтихан башланганчы бер көн алдан башкарылачак.