Пәнҗешәмбе көнне Б.Рәмиев ис. ИТ-паркта РБК оештырган түгәрәк өстәл узды, анда ТР Цифрлы үсеш министрлыгы һәм төбәкнең әйдәп баручы компанияләре вәкилләре катнашты. Чара Татарстанның цифрлы бәйсезлеге, «Мәгълүматлар икътисады һәм дәүләтнең цифрлы трансформациясе» илкүләм проекты, аның агымдагы трендлары һәм үсеш перспективалары турында фикер алышуга багышланган иде.

2025 елның 27 гыйнварыннан 28 февраленә кадәр ХКҮ-КМТҺЭТ мәйданчыкларында этаплап Татарстанның «Профессионаллар» һөнәри осталык буенча бөтенроссия чемпионаты хәрәкәте төбәк чемпионаты узды. ХКҮ-КМТҺЭТ базасында 27 ИТ-компетенция буенча Татарстан Республикасының 170 конкурсанты һәм 170 эксперты катнашу өчен 27 мәйданчык оештырылды, шул исәптән «Урта һөнәри белем бирү студентлары» яшендәге категориясендәге 17 юнәлеш һәм «Юниорлар (14+мәктәп укучылары)» категориясендәге 10 юнәлеш буенча.

Татарстан Рәисе Рөстәм Миңнеханов «Россия Почтасы» АҖ генераль директоры Михаил Волков белән очрашты. Очрашу ТР Хөкүмәте Йортында узды. Әңгәмә барышында яклар төбәк почта челтәрен алга таба үстерү, халык өчен хезмәт күрсәтүләрнең сыйфатын яхшырту, кадрлар җәлеп итү һәм Татарстанның логистик потенциалын гамәлгә ашыру турында фикер алыштылар.

2025 нче елның 28 нче февралендә 11:00 сәгатьтә Югары Осланның  Зиннурова Н.Ш исемендәге гимназиясендә «Цифрлы ликбез» бөтенроссия белем бирү проекты кысаларында 3-5 сыйныф укучылары өчен мавыктыргыч дәрес узачак.