Тикшеренү: Россия халкы татар телендә күбрәк укый башлады

Ил халкы татар телендә күбрәк укый башлады. Мегафон абонентларының шәхессез мәгълүмат аналитикасына караганда, 2024 елда татар телендәге контентлы порталларга һәм сервисларга юнәлтелгән дата-трафик узган елның шул ук чоры белән чагыштырганда 30% ка арткан. Шул ук вакытта онлайн-мәгълүматларның 61% ы татарстанлыларга, ә тагын 39% ы илнең башка өлешләреннән килгән кулланучыларга туры килә. Мондый сайтларга иң зур кызыксыну операторның Башкортостан һәм Самара өлкәсеннән клиентлары тарафыннан күзәтелән. Шулай ук топ–5кә мәскәүлеләр, ХМАО-Югра һәм Ульяновск өлкәсе халкы керә.

Ел саен иң тиз үсә торган категория - татар телендә чыга торган вакытлы басмаларның интернет мәйданчыклары. Агымдагы елның дүрт ае эчендә яңалыклар порталларына керүчеләр узган ел белән чагыштырганда 36%ка күбрәк мобиль интернет-трафик сарыф иткән. Сайтны укуның уртача дәвамлыгы буенча онлайн массакүләм мәгълүмат чаралары да лидер.

Балалар контенты, анимацион фильмнар һәм телевизион программаларны карап була торган ресурсларга ешрак Мәскәү, Санкт-Петербург һәм Смоленск өлкәсеннән кулланучылар керә. Татарча яңалыклар белән мәгълүмати порталларны нигездә Башкортостан, Самара өлкәсе һәм ХМАО-Югра халкы укый. Тел нечкәлекләрен өйрәтүче сайтларне һәм онлайн-сүзлекләрне күбрәк пензалылар, башкортостанлылар һәм мәскәүлеләр куллана.