Казанда «РобоСабантуй-2024» робототехника фестивале узды
10 февральдә Бәшир Рәмиев исемендәге ИТ-паркта «РобоСабантуй-2024» Идел буе балалар робототехника фестивале узды. Фестивальдә катнашучыларны РФ Хөкүмәте Рәисе урынбасары Дмитрий Чернышенко ТР Рәисе Рөстәм Миңнеханов белән берлектә сәламләде.
Фестивальне оештыручы - "Бала-Сити академиясе" АКБО, ул Россия Федерациясе Президентының грантлары Фонды тарафыннан бирелгән гражданлык җәмгыятен үстерүгә грантны кулланып эшли. "ИТ-парк" югары технологияләр өлкәсендәге технопарк ярышларны үткәрүдә партнер булып тора.
РобоСабантуй үзендә ике төп теманы берләштерә: Россиядә Гаилә елы һәм Татарстанда Фәнни-технологик үсеш елы. Ярышларда бөтен Татарстаннан һәм Идел буеның аерым төбәкләреннән 4 яшьтән алып 17 яшькә кадәрге балалар катнашты.
Чара гаилә фестивале форматында узды. Оештыручылар кызыклы программа әзерләде: балалар һәм гаилә мастер-класслары, экспорийлар һәм ата-аналар өчен экспертлар белән аралашу, иң кечкенә тамашачылар өчен мәйданчыклар каралган.