"Яңа заман өчен көчле идеяләр" форумына гаризалар кабул итү ачык
«Яңа заман өчен көчле идеяләр» форумына гаризалар кабул итү ачык, ул инде дүртенче тапкыр узачак. Форумны оештыручылар - Стратегик инициативалар агентлыгы һәм Росконгресс фонды, ВЭБ.РФ. Идеяне идея.росконгресс.рф платформасында 2024 елның 31 гыйнварына кадәр тапшырырга мөмкин. Аннары экспертлар топ-1000 һәм топ-100 идеяләрен сайлап алачак, иң яхшы тәкъдимнәрне март аенда ил җитәкчелегенә тәкъдим итәчәк.
"Форум - бүген илебез алдында торган проблемаларга һәрвакыт яңа караш һәм еш кына проблемаларны хәл итүгә стандарт булмаган караш ул. Узган еллар тәҗрибәсе буенча без илдә Россия язмышында, аның киләчәген формалаштыруда катнашырга әзер булган күпме фикерле һәм битараф булмаган кешеләрне күрдек. Быел кабул ителәчәк идеяләр һәм тәкъдимнәр илнең 2036 елга кадәр үсеш стратегиясен әзерләүдә ярдәм итәр дип өметләнәбез", – диде РФ Президенты ярдәмчесе, форумның оештыру комитеты рәисе Максим Орешкин.
Россиянең теләсә кайсы кешесе гариза бирә ала. Моның өчен платформада теркәлү һәм кирәкле номинацияне сайлау җитә.