Кукмара районында Казан ИТ-паркы филиалы ачылды
Объектны ачу тантанасында Татарстан Республикасы Кукмара муниципаль районы башлыгы Сергей Димитриев, Россия Федерациясе Дәүләт Думасы депутаты Илья Вольфсон, «ИТ-парк» югары технологияләр өлкәсендә технопарк» ДАУ директоры урынбасары Ләлә Бикчәнтәева катнашты. ИТ-паркның яңа филиалы Кукмара, Эшчеләр тыкрыгы, 7 йорт адресы буенча Олимпиадалар үзәге базасында ачылды, ул технологик проектларны һәм стартапларны үстерү өчен җәлеп итү үзәгенә әвереләчәк, шул исәптән «Россия Федерациясенең цифрлы икътисады» илкүләм проекты максатларында да.
«ИТ-парк» югары технологияләр өлкәсендә технопарк» ДАУ директоры урынбасары Ләлә Бикчәнтәева һәм Кукмара муниципаль районы башлыгы Сергей Димитриев тантаналы шартларда хезмәттәшлек турында килешүгә кул куйдылар.
"ИТ-парк - территорияләрдә мәгълүмати технологияләр өлкәсендә үсеш өчен мөмкинлекләр булдыручы төп партнер. Татарстан муниципаль районнарында филиал мәйданчыкларын ачу ИТ-берләшмәләрне һәм урыннарда белем бирү форматын үстерергә ярдәм итә. Заманча белем бирү мәйданчыгы Кукмара районы яшьләрен, мәктәп эскәмиясеннән башлап яңа технологияләрне өйрәнүгә җәлеп итү өчен, яңа мөмкинлекләр ачачак», - дип билгеләп үтте «ИТ-парк» югары технологияләр өлкәсендә технопарк» ДАУ директоры Руслан Власов.
Кукмара муниципаль районындагы яңа филиал инде 9 нчы булды. Шулай ук филиаллар республиканың Лениногорск, Ютазы районының Урыссу шәһәр тибындагы поселогында, Мамадыш, Нурлат, Байлар Сабасы, Түбән Кама, Менделеевск, Биектауда бар.
2024 елда ИТ-парк филиалларында балаларга белем бирү курсларын алып баручы кураторларны төрле программалау телләренә өйрәтү планлаштырыла.