Татарстан Республикасы Цифрлы үсеш министрлыгында коррупциягә каршы тору мәсьәләләре турында фикер алыштылар
Бүген Казан ИТ-паркында (Петербурга урамы, 52) Татарстан Республикасы дәүләт идарәсен цифрлы нигездә үстерү, мәгълүмат технологияләре һәм элемтә министры каршындагы Коррупциягә каршы тору комиссиясе утырышы узды.
Чарада Татарстан Республикасы дәүләт идарәсенең Цифрлы үсеш, мәгълүмати технологияләр һәм элемтә министры каршындагы Коррупциягә каршы тору комиссиясе әгъзалары, министрлык каршындагы Иҗтимагый совет әгъзалары, министр урынбасарлары, ведомство карамагындагы оешмалар җитәкчеләре, министрлыкның структур бүлекчәләре җитәкчеләре, шулай ук Татарстан Республикасы Рәисенең Коррупциягә каршы сәясәт мәсьәләләре буенча идарәсе вәкиле катнашты.
Утырыш министрлык тарафыннан расланган коррупциягә каршы тору чарасы планын гамәлгә ашыру кысаларында үткәрелде.
Татарстан Республикасы цифрлы үсеш министрының беренче урынбасары Илья Начвин үзенең сәламләү сүзендә министрлык тарафыннан цифрлы үсеш проектларын гамәлгә ашыруда да, коррупция хокук бозуларны профилактикалауда да коррупциягә каршы тору чараларына игътибар бирелә, дип билгеләп үтте.
Министрлык карамагындагы учреждениеләрдә сатып алуларны анализлау турындагы докладлар белән оешма җитәкчеләре һәм вәкилләре чыгыш ясады.
Исегезгә төшерәбез, коррупциягә каршы тору барлык дәүләт хакимияте органнары, учреждениеләр, оешмалар, иҗтимагый берләшмәләр һәм яшьләр хәрәкәтләре өчен актуаль эшчәнлек юнәлешләренең берсе булып тора.