Татарстанлылар МТСның яңа видеоплатформасын сынап карый алачак
МТС, цифрлы экосистема, NUUM яңа кулланучылар видеоплатформасының ачык бета-тесты башлануы турында игълан итә. Тестларда тишле адрес буенча яисә iOS һәм Android кушымталарында катнашырга мөмкин. Продуктны тулы күләмдә эшләтеп җибәрү 2024 елда планлаштырыла.
NUUM - яңа кулланучылар видеоплатформасы, стримнар үткәрү, видеоны горизонталь һәм вертикаль форматта йөкләү һәм карау мөмкинлеге бирә.
Хәзер инде NUUMда продуктны актив сынаучы блогерлар һәм креаторлардан күп санлы видеоконтент табарга мөмкин, алар арасында: Андрей Смелянский (Toxi$), Мария Миногарова, Юлия Коваль, Александр Парадеев (Парадеевич) һәм башкалар.
Бета-тестлауның максаты - кулланучылар белән берлектә төп функцияләрне көйләү һәм тамашачылар, контент төзүчеләр һәм реклама бирүчеләр ихтыяҗларына максималь җавап бирә торган продукт ясау. Команда һәр 2-3 атна саен кулланучы фикерләре нигезендә яңартулар кушымта чыгарырга планлаштыра.