«Роботлар көрәше» финалын карагыз

2023 елның 4 декабре, дүшәмбе

16 декабрьдә Мәскәүдә «Роботлар көрәше»нең йомгаклау ярышлары узачак. Экспоүзәктәге аренага Россия, Һиндстан, Кытай һәм Төркия командалары чыгачак. Бер көндә ярымфинал һәм чемпионат финалы узачак.

Чемпионатның ике сайлап алу этабы 2023 елның сентябрь һәм октябрь айларында Россия, Төркия, Һиндстан, Кытай һәм Казахстаннан 58 команда катнашында узды.

Татарстан Республикасыннан «Робозон 2» командасы чемпионатта катнашучы 16 команданың иң көчлеләре белән көрәшергә һәм чемпионат җиңүчесе титулын яуларга мөмкин. Барлык тамашачыларны ике шоу көтә: көндезге (11:00-15:15 сәгатьтә) һәм кичке (16:30-20:00 сәгатьтә).

Чемпионатның туры трансляциясен сылтама буенча карап була.