Яшел Үзәндәге фиджитал ярышларга теркәлергә өлгерегез
2 һәм 3 декабрьдә М.В. Ломоносов исемендәге 18 нче күп профильле лицей мәйданчыгында фиджитал ярышлар узачак. Бу Татарстан Республикасында Цифрлаштыру министрлыгы тарафыннан Татарстан Республикасы Фиджитал спорты федерациясе, CyberPark Arena, ИТ-парк белән берлектә оештырылган фиджитал спортны үстерүгә һәм популярлаштыруга юнәлдерелгән региональ проект. Партнерлар - Protone цифрлы платформасы һәм Mätti файдалы иртәнге ашлар җитештерүче бренд.
Ике көн дәвамында катнашучылар 5 дисциплинада ярышачак, аларның һәрберсе физик һәм цифрлы өлешләрдән тора:
- Фиджитал-футбол - Мини-футбол һәм FIFA 24;
- Фиджитал-баскетбол - 3х3 баскетбол һәм NBA;
- Фиджитал-стратегия - Лазертаг һәм Dota2;
- Фиджитал-көрәш - Корәш һәм Mortal Kombat 1;
- Ритм-симулятор - Just Dance (өстәмә дисциплина)
Ярышларда Яшел Үзән шәһәре укучылары һәм студентлары катнаша ала. Гаризалар phigytal.tatar сайтында 29 ноябрьгә кадәр кабул ителә.
"Фиджитал юнәлеше балаларга киберспорт өлешендә генә түгел, ә спорт белән дә шөгыльләнергә мөмкинлек бирә. Бу синергиянең киләчәге зур. Фиджитал-ярышлар Татарстан муниципаль районнарында төбәкара, бөтенроссия һәм халыкара спорт ярышларында катнашу өчен иң көчле киберспортчыларны ачыклау өчен үткәрелә", - дип билгеләп үтте Татарстан Республикасы Фиджитал спорт федерациясе президенты Руслан Власов.
Саба районында һәм Әлмәттә узган муниципаль ярышлар нәтиҗәләре буенча 700дән артык укучы турнирларда катнашты һәм фиджитал спортына кушылды.