Коррупцияне профилактикалау коралы буларак икътисадның цифрлы трансформациясе һәм цифрлы рубль
Бүген Петербург урамындагы Казан ИТ-паркында «Коррупцияне профилактикалау караллары буларак икътисадның цифрлы трансформациясе һәм цифрлы рубль» темасына ачык лекция узды. Лекция Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы тарафыннан коррупциягә каршы тору чаралары планын гамәлгә ашыру кысаларында үткәрелде.
Чараны ТР Цифрлы үсеш министрлыгы ИТ-парк белән берлектә оештырды. Чарада ТР Прокуратурасы, республика министрлыклары һәм ведомстволары, ведомство карамагындагы учреждениеләр һәм мәгълүмати технологияләр һәм элемтә тармагы оешмалары вәкилләре катнашты. Чакырылган спикер - Криптополигон проекты идеологы һәм нигез салучысы Яков Тенилин.
Татарстан Республикасы - икътисадны һәм дәүләт хезмәтләрен цифрлаштыру юлында алдынгы төбәкләрнең берсе. Чара барышында спикер дәүләт өчен блокчейн технологиясен үстерү перспективалары, коррупцияне кисәтү чаралары буларак криптовалюта һәм цифрлы рубльне гамәлгә кертү турында сөйләде. Шулай ук лекция тыңлаучылары, блокчейн технологиясен кулланып, бүленгән реестрлар һәм алдау схемалары турында белделә, мәсәлән, финанс пирамидалары, фишинг, ялган акча алыштыру һ. б.