Әлмәттә фиджитал ярышларга теркәлү ачылды

2023 елның 19 октябре, пәнҗешәмбе

3 ноябрьдән 4 ноябрьгә кадәр Әлмәт шәһәренең Инженерлык лицее мәйданчыгында «Phygital Almet» ярышлары узачак. Бу Татарстан Республикасында Цифрлаштыру министрлыгы тарафыннан Татарстан Республикасының Фиджитал спорт федерациясе, CyberPark Arena, ИТ-парк белән берлектә оештырылган фиджитал спортны үстерүгә һәм популярлаштыруга юнәлдерелгән региональ проект. Партнерлары - файдалы иртәнге ашлар җитештерүче Mätti бренды, Protone цифрлы платформасы.

Ике көн дәвамында катнашучылар 6 дисциплинада ярышачаклар, аларның һәрберсе физик һәм цифрлы өлешләрдән тора:

1. Фиджитал-футбол - мини-футбол һәм FIFA 24;
2. Фиджитал-баскетбол - баскетбол 3х3 һәм NBA;
3. Фиджитал-стратегия - лазертаг һәм Dota 2;
4. Фиджитал-ярыш - ярышлар һәм Assetto Corsa;
5. Фиджитал-көрәш -  көрәш һәм Mortal Kombat 1;
6. Ритм-симулятор - Just Dance (өстәмә дисциплина)
    

Ярышларда Әлмәт шәһәре укучылары һәм студентлары катнаша ала. Гаризаларны phigytal.tatar сайтында 30 октябрьгә кадә биреп була.