МЦК-КТИТС вәкиле Phygital Saba ярышларында катнашты

2023 елның 4 октябре, чәршәмбе

МЦК-КТИТС укучылар Советы Рәисе Гайфуллина Эльвина интерактив (digital) өлешнең судьясы сыйфатында «Phygital Saba» беренче район фиджитал-ярышларында катнашты.

Фиджитал-футбол буенча ярышлар 30 сентябрьдә узды. Катнашучылар мини-футбол һәм FIFA 23 уенында ярыштылар. Шулай ук фиджитал-узышлар булды: картинг һәм Assetto Corsa компьютер уенында.

Ярышларның икенче көнендә фиджитал-баскетбол (баскетбол 3×3 һәм NBA) һәм фиджитал-көрәш (корәш һәм Mortal Kombat 11) уздырылды.

Ярышларда судьялар уенчыларны җентекләп күзәтәләр, килеп туган конфликтларны хәл итүгә игътибар итәләр, шулай ук аларның тәртибен, шул исәптән намуслылыгын һәм регламент үтәлүен күзәтәләр.