Kazan Digital week форумында Татнефть һәм Evrocargo автоном транспортны эксплуатацияләү буенча уртак проектны гамәлгә ашыруны игълан иттеләр

Kazan Digital Week форумының «Интеллектуаль транспорт системалары» эшлекле программасы секциясендә сәнәгать предприятиеләре һәм склад комплекслары территорияләрендә пилотсыз транспортны куллану темасы киң яктыртылды. Доклад белән Evocargo компаниясенең коммерция директоры чыгыш ясады – Россия базарында үз электр платформалары базасында автоном йөк ташу сервисын язылу буенча тәкъдим итүче бердәнбер җитештерүче. Компания автоном транспортны куллануның принципиаль яңа нәтиҗәле моделен тәкъдим итә, ул ахырдагы кулланучыга традицион транспорт белән чагыштырганда чыгымнарның 45% кадәр экономияләргә мөмкинлек бирә.

Секция кысаларында компания шулай ук «Татнефть» ГАҖ белән объектында, Evocargo N1 автоном йөк машиналарын кулланып, логистик процессларны автоматлаштыру буенча уртак коммерция проекты башлануы турында игълан итте. Evocargo сервисы компаниянең чимал һәм башка матди-техник ресурсларын өзлексез һәм авариясез ташуны тәэмин итү өчен Әлмәт шәһәренең «Татнефть» сәнәгать-җитештерү мәйданчыгында гамәлгә кертеләчәк. Автоном транспортны объектка интеграцияләү логистик процессларның нәтиҗәлелеген арттырырга һәм кеше факторы белән бәйле авария хәлләрен булдырмаска ярдәм итәчәк.